Weä hätt hüüt noch en Bütt en’t Huus?Vörr Joare soach datt angersch uut. Dii hing em Hoov am Stall parat.Doa wurd et samstags dren jebaad. Ersch dii Eldere- on dohengerent twaide Water dann dii Kenger. Dann joav et döcks ’ne Kampf to seen,weä en deä Bütt et ersch jing dren. Denn en dat Water – Vot för Vot –word emmer maar heet bejjeschott. Un waar deä ledste dann eruut,schodd man dat Water noch net uut. En dii Bröh, doa wosch man döckWerkesboxe – Klompe -Säck. On am Schluss word met dii Zuppdann och noch der Hoav jeschrupp. No woar man […]
Dea Schutsengel
Wörr woare fröjer bej os deheem möt älef Mann, nieje Pute, twie Äldersch, drie Mädches, sächs Jonges. Maar ejentlich woare wörr möt twälef, weäjen, et verjing kenne Daach, wo ös Mamm net möt deä Schutsengel kalled, on wörr wolle maar davon uitjoan, dat wörr net allemoale eee eje Schutsengel hadde, weäje angersch köeme wörr möt telle rats duereen. Maar dat schtet op e angere Blaat. Wie dann ooch, von deä Schutsengel woll ich op jede Fall nix wiete. Och wenn ich mich en min Fantasie vüerstellet, wie e Frommich möt lange blonde Hoar en e langk Kommeniuenkleed on mit nix […]