Wenn der Wengkter fröer vörbee woar, konnte wer Kenger emmer op de Schtroat schpiele. En ös kengerriike Jeäjend fong sich emmer ene Hoop tesame, deä mötduen woll: Müske verberje, Selke sprenge oder deä Dopp drieve. En Peitsch hodde wer all, deä Schteck möt en Koard dran, äver ös Döpp woare emmer verschwunde. Woran dat loach, weet ich net, denn janz so kleen es ene Dopp doch net. Dat es ene Kejel möt Relle för die Peitschkoard on ove drop en Kul vör der Dumm, on, solange heä noi woar, bongt angemolt. Dann woare op ens dree Döpp doa on seäs […]
Oavesruet
Jetz, en di Urlaubstiied, kret männig ene en Ansichtskaart möt Jröös uut deä Süden. Oft zeige di Kaarte dann ene Oaveshemmel en alle Klüere von jel, orange, jold, alle Färve von ruet bös violett on dunkelblau, on meddedren di Sonn, di ongerjeet. Jants so doll send di Färve be os net, äver an ene schuene Soomerdaach kann sich och bee os hee ne Sonneongerjangk jemaak siien lotte. Dat Ruet on Jel on Orange hät jet möt di Lofschichte te duen, di noch von de Sonn anjestrahlt werde. Man sät dann: „Abendrot — Schönwetterbot’” on meistens es deä angere Daach wier […]
Ee Himpke
Mama hot os Fiif joot dur der Kreech on die schleite Tiit jebreit, als minne Papa dann ut de Kreechsjefangenschaft koam. Ose jöngste, deä Herbert, woar damals all aach Joar on wör angere all ut et Schlemmste eruut. Ävver dann wollde die Eldersch onbedingt nochens e Kengk hann. So koam dann ene Broer op de Welt möt nieje Ponk Jeweet – dat soll damals normal jewess sin. Kort donoa meldete sich dann os Marieche an. Mama hot övverhaup keen Tiet vör noch ens Kroamfrau to werde, fiif Jruete mooße versorgt werde, deä Kleene verlangte sin jerejelde Tiit on Order. On […]
Di Seepebloase
Als wörr noch Kenger woare, joaf et vör os nix Schüenderes als Seepebloase. Wenn Mama bute op deä Steen dii Bütt möt Wäschloog stön hat, koame wörr hengereen be dii Bütt vörbee. Wörr hodde dann e kleen Döppke oder e Marmeladejlas. Dodren ding Mama os jet von dii Looch. Vürher hodde wörr os all eene Struehhalm besorgt, deä würd onge e bißke enjeretzt an dann hodde wörr veer oder sääs noa bute opjeklappte Enger. On dann soate wörr all ohne Jezanke on Jeschrei nevereen op deä Dölper on zoppte deä Struejhalm en dat Seepewater. Weä et bes bloase koos on […]
Deä Muts
Fröher woar Tsigaretterooke zemlich düer. Doröm hodde vüel Männer vor deä Fieroavend ene Meuts. Doadren konnt man och Tsigarestummele on Tsigarettekippe rooke. Minne Opa woar och sone stärke Rooker, besongersch, als heä deä janze Daach Oma onger deä Puet leep met sine Muts on deä janze Stuev verpestete. Wenn wörr Enkelkenger op Besöök koame, wollte wer nie lang blieve, weil os deä Piefequalm deä Loff noam. Oma hodd doafür jruet Verständnis, ävver Opa woß jar net, woröm wörr wier weg wollde. Heä hodd een janze Reih Piefe on Mutskes, för jede Daach eene, on an jruete Fierdaach holet heä en […]
Deä Riifkook
Jederene wet waal, wat eene Riifkook es. Dat send jerievene Eärpel möt e betche Meäl, dat se tesaame halde. Dii fienere Art es, dii Eärpel möt e Ei, off och mier, on jet Look to menge. No kömp jet Salt doadran on e betche Peaper. Wenn man dii Eärpel jet jroaver rift off schnibbelt, dann es dat eene Schnibbelskook. No kömpt deä Deech en heet Ölich, am beste en en iisere Pann. Doa drut on fresch op deä Hangk schmecke dii Kökskes et bäs. No kann man, je noa Lust on Laune, Appelkruut, Muure of Röbbekruut, Appelmoos on Schwattbruet dobee […]
Dat Päckske
En mi Leave habb ich all völl Päckskes on och Paketches jekreje: van Kloas on Chreskengk, van Mama on Papa, van de Verwandschaft, Kenger on Enkelkenger. Emmer han ich mich jefreut, wenn eener an mich jedeit hot. Bloß emol war dat Päckske utpacke en jruete Sauerei, on dat koam so: Wer woare dree Weäke en Vermont en Jericho gewäß. Vermont es dea Green-Mountain-State an de Oostkööst van de U.S.A. Man sät, doa jöaf et mier Käuh als Eenwohnere. On vör allem jöf et doa dii Ahornbööm, wo dii da dea Ahornkruut von afzappe. Deä Sirup jremeäk mine Mann so joot, […]
Bränietele
An jede Weächrand on op jedes Feld waaße Bränietele. Dat Onkruut es bald net te bändije, wenn et bei dich en deä Jaard erutkömmt. Wenn man dat uuttrecke well, hät man et bääß ene Heärsch an, denn dii schüen jezackte Blättches on dii Stengele habbe kleene Bränhaare, dii janz fies pitsche könne. Deä Nam „Onkruut“ hät dii Bränietel eijentlich net verdennt. Et jehüert be deä Heilkräuter on es doamet en nötzliche Plant. Dii erschte jonge Blättches en’t Fröhjoar hant völl Vitamine on Spurenelemente, wie liser on Vitamin C. Dii Bläer kann man wie Spinat jeret maake on eate. Dii solle […]