Ene Kappes is ene rue av wette „Kohlkopf”, för di meeste e lekker Eäte, weil deä be völl Fleeschjerichte passt, wi Gänsekeulen met rue Kappes av Ferkespüet möt Sauerkraut. Dat joav et fröher te Huus öfter am Wääschdaach, weil dat net sue völl Ärbet meek. Deä wette Kappes doavür leit min Modder selvs in. Wör hade sue e jruet Döppe ut Steen, dat woard jedde herfs möt heet Sodawater utjeschrubb on en de Sonn drüje jeloate. Met di Inkellereäpel kreje wör och emmer ene Sack voll wette Kappes. Wenn dann di Reih an os woar, dat wör en Kappesschaav liiene […]