En os Familich hät et all seit Jeneratiune emmer wier Tswiienge jejeäve. Von Vadder on och von Modder sin Siie joaf et emmer en lange Reih Enkelkenger as Tswilenge. Oft woar davon eene doabeei ‚ deä net gruet woard oder als „Pannescherf‘, also vör deä Dööp jestorve es. Mine Mann hod maar eene Halvbroer, ävver dii Tantes hodde och Tswilenge, beidse moal Mädches, on deä Oma soll sojar veermoal twiie op ens jehad han. On so stung ich en een lange Tradetsejuen, ohne te wiete, dat os »Erbanlagen“ so vörbelastet woare. Dii dree ierschte Kenger hant för deä Jebuert normal […]
Dat Flimmflämke
Als wör noch Kenger woare, joaf et völl mier Flimmflämkes als hüützedachs. Die Dierkes soate oft op Ruese on angere Blome to hoop, wo et Milbe on Unjeziefer joaf, ävver doafür jöft et hüüt Spritzzeug. Wer freuete os emmer, wenn os so e Flimmflämke op de Fenger floach, denn dat sollet Jlöck brenge on wör versoote, dat Dierke lang op os Häng eröm klömme te loate. Deä richtige Naam für öm ös Marienkäfer, die jöft et en einije Arte on Färve, die meeste send ruet oder schwatt, die Punkte op die Flüejel sent och net emmer jliik. Männije hant 4 […]
De Perring
En min erschte Kengerjoare hant wörr noch möt Oma on Opa en e Huus op deä Donk jewont Wenn et em Froijoar, so om Zint Draut erom, schuen Wear woar, noam Opa et Jardejeschier ut deä Schopp on jing noa deä Kauertsweg en sinne Jard. Damals stunge doa noch ken Hüüser on all os Nobbere hodde doa e Stockske Land vor Earpel, Look on Stakebonne. Wenn Opa doa am jrave woar, breite wörr Kenger dem oft jet te äete oder te drenke, dann verjoat he alles om sich erom . Wörr kieke to, wie heä Füer na Füer eröm schmiet […]
Deä Ömweäch
Eene Ömweäch es meestens en ärjerlich Saak. Wenn man so all laat dran es, on dann een Stroat gesperrt es, dii eijentlich deä körteste Weäch es on man dann hengeeröm fahre mot, dann es dat schon eene Jrongk, vor sech te ärjere. Dann kann et passiere, dat man däsweäje te laat noa deä Ärbet oder op e Treffe kömpt. Angersch es et, wenn man Tied jenoch hät on et Weär schüen es för ene kleene Ömweäch on weil man dann Lüü tröff, dii jeär ens eene Moment stoan blieve on klängere. Als ich noch be Witter en deä Handschuhfabrik gestrick […]
De Üül
Vör deä Mensche woar en Üül emmer e betche unheimlich. Et woar wal jruselich, wenn man noch laat von deä Siedlung an deä Niersch dur et Brook noa Huus jing, wenn dann paaf e paar jeäle Ooge op dich tokoame on du hodds gar keene Vlüejel schlare jehört. Dann woar en Üül ongerweäjs, weil se oder err kleen Üülkes Honger hodde. Be Boecke op deä Nueteboom woar e Üülennöös. Oft hürde wer deä Üüle schreie, dat hürde sich so eesig an, besongersch dann, wenn en alde Vrau ut deä Nobberschaft dann seit: „Jetzt mot eener oder een sterve, dii Käutzkes […]
Di Kroamvrau
Vroijer heetet en Vrau, dii kot doavüer stong, uttepacke, einfach Kroamvrau. Hüüt hett dat jo Wöchnerin on dat Utpacke es dii Niederkunft. Oft mende man och met Kroamvrau dii „Heaversche“, dii Hebamme,. weil dii emmer möt e kleen Köfferke ongerweäjes woar. Doadren woar alles, wat se bruuket, om e Kengk op deä Welt te brenge, weil dii Vraues meestens to Huus nierkoame. Dann let sich dii Heaversche e paar Weäke, bevüer et losjoan soll, be dii werdende Modder sien, öm deä joe Roat on angere Hölp te jeäve. Et joaf jo noch ken Jeburtsvorbereitung on wea all e paar Kenger […]
Deä Bolderwaarel
Jedereene wet wal, wat eene Bolderwaarel es. Dat es e effe Kärke met et Faargestell on vier Räer, an deä Sie sind twie Längsbreer on twie Querbreer dran, weil dann nix eröngerfalle kann. Dii Räer send meestens ut Holt, so könne dii schüen boldere, wenn et op rubbelige Weäge jeht. Dii moderne Art kann man en deä Zoo oder en deä Verjnüjungspark liene. Dann es deä Kaas op dat Fahrjestell schön anjestrieke on ohne Splitter on raue Stelle. Jetz kann man domet kleene Kenger oder och Saakes för e Picknick transportiere. Eene echte Bolderwaarel hät vüre mar en Deichsel möt […]
Dat Weäjekrüts
Vröijer stonge he bei os üverall an deä Stroate noa dii angere Dörper hin Weäjekrütse. Dii soach eene Furmann oder eene fahrende Tömmermann all von wiem. Dii Krütser teekenet an, dat bald een Herberg oder et Heem op eene wardete. En deä Städte äver wore se oft als Teeken „zur Erinnerung“ opjesätt worde, als Pestkrüts oder om an e Onweer oder eene Mord te erennere. Hüt stonnt dii Weäjekrüts net mier an et Dörpeng, weil emmer öfter över dii Gemarkungsjrenz erut jebaut worde es on dat Krüts jetz als Kriejerdenkmal oder Prozessiunsstation en e klen Järtche stet. Dii Nobberschaff drömeröm […]
Deä Matrues
Eenes Dachs soate wörr ärsch laat an deä Eatesdösch. Minne Papa hat Naitsschicht be Pongs on Zahn jehat. Heä woar doa Maschinist en et Keatelhuuis. Wenn heä dann noa Hus koam, schleep heä bis an deä Nomeddach on dann woare wörr Kenger ja och ersch von deä Schuel tröck. Dann schellde et Sturm an deä Husdür. Pap woar jet verjeef, als doa sone onjerejelte Stromer vor de Dür stong. Heä hod eene alde Koffer be sich möt völl Aufkleber drop, on een dreckije Matroesekluft an. Heä ding sin Mötz möt Bänder drom af, doa soore wörr, dat heä op de […]
Deä Piifekop
Vör ene Mensch, dea bloß Spüek en deä Kopp hät, sät man och all ens: „Du böß eene Piifekop“. Ävver son Lü kennt wal jeder, dat ich daavon nix te vertälle bruk. Mine Opa hot en deä Stuev e janz Schaap voll Piefe , schön opjereiht möt der Kop noa oave. Dii Piife selver woare ut verschieden Hoot, Keramik on Postellin, emmer schön jeputz en jriffjereet. Dat Rohr hot emmer en angere Läng, on so woar jede Piif vör jet angeres bestemmt, vor morjes, middes, oaves on vör Werktag on Sonndaach. Sonndaachs nommedachs loach Opa op et Cheselong möt een […]