Mama hot os Fiif joot dur der Kreech on die schleite Tiit jebreit, als minne Papa dann ut de Kreechsjefangenschaft koam. Ose jöngste, deä Herbert, woar damals all aach Joar on wör angere all ut et Schlemmste eruut. Ävver dann wollde die Eldersch onbedingt nochens e Kengk hann. So koam dann ene Broer op de Welt möt nieje Ponk Jeweet – dat soll damals normal jewess sin. Kort donoa meldete sich dann os Marieche an. Mama hot övverhaup keen Tiet vör noch ens Kroamfrau to werde, fiif Jruete mooße versorgt werde, deä Kleene verlangte sin jerejelde Tiit on Order. On […]
Tsonesjält
Jält woar be os en dii erschte Joare emmer Mangelwar. Dat ängerde sich, als wörr för dii twie Jruete »Bafög“ jekriie hant. On dann mek ose Elmar en Liier als „Einzelhandelskaufmann“. No konnte wörr daran denke, os Kenger jeregelt Tsonesjält tokomme te loate. Dii Jruete joave ja noch alles af, se woare noch all te Huus. Wörr konnte all jet Tsonesjält, utjetält noch Alder on Bedarf, am Samsdaach meddach utdele. Dii Tswilenge breite ere Andeel meest direk no et Leckerbüdche. Doa woare dii Mädches angersch. Dii konnte alle dree joot spare on schrappe. Be twie es dat hüt noch so […]
Di Seepebloase
Als wörr noch Kenger woare, joaf et vör os nix Schüenderes als Seepebloase. Wenn Mama bute op deä Steen dii Bütt möt Wäschloog stön hat, koame wörr hengereen be dii Bütt vörbee. Wörr hodde dann e kleen Döppke oder e Marmeladejlas. Dodren ding Mama os jet von dii Looch. Vürher hodde wörr os all eene Struehhalm besorgt, deä würd onge e bißke enjeretzt an dann hodde wörr veer oder sääs noa bute opjeklappte Enger. On dann soate wörr all ohne Jezanke on Jeschrei nevereen op deä Dölper on zoppte deä Struejhalm en dat Seepewater. Weä et bes bloase koos on […]
Tswillinge
En os Familich hät et all seit Jeneratiune emmer wier Tswiienge jejeäve. Von Vadder on och von Modder sin Siie joaf et emmer en lange Reih Enkelkenger as Tswilenge. Oft woar davon eene doabeei ‚ deä net gruet woard oder als „Pannescherf‘, also vör deä Dööp jestorve es. Mine Mann hod maar eene Halvbroer, ävver dii Tantes hodde och Tswilenge, beidse moal Mädches, on deä Oma soll sojar veermoal twiie op ens jehad han. On so stung ich en een lange Tradetsejuen, ohne te wiete, dat os »Erbanlagen“ so vörbelastet woare. Dii dree ierschte Kenger hant för deä Jebuert normal […]
Dat Flimmflämke
Als wör noch Kenger woare, joaf et völl mier Flimmflämkes als hüützedachs. Die Dierkes soate oft op Ruese on angere Blome to hoop, wo et Milbe on Unjeziefer joaf, ävver doafür jöft et hüüt Spritzzeug. Wer freuete os emmer, wenn os so e Flimmflämke op de Fenger floach, denn dat sollet Jlöck brenge on wör versoote, dat Dierke lang op os Häng eröm klömme te loate. Deä richtige Naam für öm ös Marienkäfer, die jöft et en einije Arte on Färve, die meeste send ruet oder schwatt, die Punkte op die Flüejel sent och net emmer jliik. Männije hant 4 […]
De Perring
En min erschte Kengerjoare hant wörr noch möt Oma on Opa en e Huus op deä Donk jewont Wenn et em Froijoar, so om Zint Draut erom, schuen Wear woar, noam Opa et Jardejeschier ut deä Schopp on jing noa deä Kauertsweg en sinne Jard. Damals stunge doa noch ken Hüüser on all os Nobbere hodde doa e Stockske Land vor Earpel, Look on Stakebonne. Wenn Opa doa am jrave woar, breite wörr Kenger dem oft jet te äete oder te drenke, dann verjoat he alles om sich erom . Wörr kieke to, wie heä Füer na Füer eröm schmiet […]
Deä Ömweäch
Eene Ömweäch es meestens en ärjerlich Saak. Wenn man so all laat dran es, on dann een Stroat gesperrt es, dii eijentlich deä körteste Weäch es on man dann hengeeröm fahre mot, dann es dat schon eene Jrongk, vor sech te ärjere. Dann kann et passiere, dat man däsweäje te laat noa deä Ärbet oder op e Treffe kömpt. Angersch es et, wenn man Tied jenoch hät on et Weär schüen es för ene kleene Ömweäch on weil man dann Lüü tröff, dii jeär ens eene Moment stoan blieve on klängere. Als ich noch be Witter en deä Handschuhfabrik gestrick […]
Deä Muts
Fröher woar Tsigaretterooke zemlich düer. Doröm hodde vüel Männer vor deä Fieroavend ene Meuts. Doadren konnt man och Tsigarestummele on Tsigarettekippe rooke. Minne Opa woar och sone stärke Rooker, besongersch, als heä deä janze Daach Oma onger deä Puet leep met sine Muts on deä janze Stuev verpestete. Wenn wörr Enkelkenger op Besöök koame, wollte wer nie lang blieve, weil os deä Piefequalm deä Loff noam. Oma hodd doafür jruet Verständnis, ävver Opa woß jar net, woröm wörr wier weg wollde. Heä hodd een janze Reih Piefe on Mutskes, för jede Daach eene, on an jruete Fierdaach holet heä en […]
De Üül
Vör deä Mensche woar en Üül emmer e betche unheimlich. Et woar wal jruselich, wenn man noch laat von deä Siedlung an deä Niersch dur et Brook noa Huus jing, wenn dann paaf e paar jeäle Ooge op dich tokoame on du hodds gar keene Vlüejel schlare jehört. Dann woar en Üül ongerweäjs, weil se oder err kleen Üülkes Honger hodde. Be Boecke op deä Nueteboom woar e Üülennöös. Oft hürde wer deä Üüle schreie, dat hürde sich so eesig an, besongersch dann, wenn en alde Vrau ut deä Nobberschaft dann seit: „Jetzt mot eener oder een sterve, dii Käutzkes […]
Di Kroamvrau
Vroijer heetet en Vrau, dii kot doavüer stong, uttepacke, einfach Kroamvrau. Hüüt hett dat jo Wöchnerin on dat Utpacke es dii Niederkunft. Oft mende man och met Kroamvrau dii „Heaversche“, dii Hebamme,. weil dii emmer möt e kleen Köfferke ongerweäjes woar. Doadren woar alles, wat se bruuket, om e Kengk op deä Welt te brenge, weil dii Vraues meestens to Huus nierkoame. Dann let sich dii Heaversche e paar Weäke, bevüer et losjoan soll, be dii werdende Modder sien, öm deä joe Roat on angere Hölp te jeäve. Et joaf jo noch ken Jeburtsvorbereitung on wea all e paar Kenger […]