Et es sue, wenn man traue jeet, krett man automatisch en Schwejermodder. On wenn man sich möt där joot versteht, es alles en Order. Min Schwejermodder han ich örsch laat kennejeliirt, weil se van mich nix wiiete woll. Se schmiiet mich vüer, ich hött ör deä Jong jestoale, on deä Luen, deä hät ör och jefällt, denn minne Helmut joaf bis doahin et janze Jäld af. Wat sollet, wör mooße traue, ich woar et schold. On als dann all di Kenger koame, wurd se langsam en stolze Oma. Se jing och all ens möt deä Kengerwarel spaziire, dat ich e […]
Di Eätestiit
Bee os to Huus woar et emmer schuen, wenn wör all öm Modder sinne jruete Eätesdöösch soate. Als min Schwestere on Bröer eeje Weäch jinge, troafe wör os am Friidachnommiddach op de Donk, öm Oma sin Linse- av Bonnezupp te eäte. Om di Tiijt woare all di örschte Enkel on Schwejerdäuter doabee. Avver wi alles vörbee jeet, woar och doamet eenes Daachs Schluss, weil all met di eeje Familich jenoch te duen hade. Ich had be os och ene jruete Eätesdöösch, on solang di Kenger kleen woare, woar et kin Koons, tesame te eäte, weil ose Vadder emmer Meddachs en […]
Dii Duetsöng
En dii erschte Kreechsjoare woar dat Baanjelände tösche Jüterbaanhoaf on dii Korv an de Hammerschanz Rangschiierstell vör „kriegswichtige“ on angere Jüter. Dii Baanemänn leete dann dii Wajongs einfach dat Stöck Schiine leet berchaf loope, bis dii Puffere op der vörrije Waarel opjeknallt woare. Sue konnt man ohne vüel Ärbet ene Tsoch tesamme stelle. Oft stong deä Tsoch längere Tiit doa on dann passierte et, dat morjes an der Baandamm Puffkoal on Brikett, Ärpel on Geschier vör de Werke on anger Denge, wat dii Schpetzbove uut ene opjebroake Wajong deä Damm eronger jeschmiiete hodde, janz schnell en ene mötjebreite Sack enjepackt […]
Dii Jummibocks (II)
Seit man Jummi kennt, wört heä vör völl Zwecke enjesätt. Scheffslüü on Angler köeme one Jummibockse on jummierte Jacke net uut. Be schleit Weär jöv et Reäjencaps on Reäjenjacke, vör Wanderer on Soldate joav et Jamasche on kleen Kenger packde man en Jummibockse als „Auslaufschutz“. Fröher wöar dat alles richtije decke Jummi. Hützedaachs hat man „Neopren“ oder wasserdichte Folie. Die Folie oder och „Pampers“ joav et be min erschte Kenger net; on Jummibockse, luft- on waterdicht, woare nix vör e zart Kengervöttche. So hot ich emmer en janze Reih Sanitasdööker op de Ling hänge. Doa hant dii Vraues et hüüt […]
Mine Broer, deä Labbes
Als mine Vadder noch net uut deä Kreech teröck woar, woar et waal schwer vör Mama, os fiif duertekriieje. On doa mende mine älste Broer, heä möss deä Vadder ersette. Heä transenierde os, wo heä koos on dat so, dat Mama dat lang net merket. Emmer, wenn di irjendwo Schlange stoen mooß, spielet mine Broer sich op: heä noam di Kleene et Spielzeuch wech oder schmiet di Fijure be e Brettspiel duereen. Verleere kooß heä net, heä woll emmer jewenne. On plötzlich sät heä für Mama: „Wenn Du mich net mötnömmst, dann zank ich mich ersch richtich.“ Ävver Mama leet […]
Dii Barijeer
Barijeere send Schranke, af sichtbar, af unsichtbar, se könne och bloß duer e Scheld, ene Poal af ene Jedangke doa sen. En Jedangkebarijeer es, wenn ich uut Scheu af Achtung for alde oder vreäme Lüü net met min Meinung eruut platze möt on leever stöll schwiich, of wenn ich mich net för enne Anlass aanjetrocke vööl on doaröm jarnet ersch op en Veranstaltung hinjongk. Barijeere stellde fröher dii Heäre on dii Fürste op, öm aantejeäve, dat hee en Jrenz woar. Deä Schlagboom op twiie Pöel koos huerjevaare werde, wenn man en dat vreäme Jebiet woll on sin Maut of deä […]
Dat Uerefimpe
Jedereene wet wal, wat Uerefimpe es, on dat kann e janz fiis Denge sien. Plötzlich fimpt et en e Uer, on dat hürt och jenau so plötzlich op. Die alde Lüü hodde och ene Erklärung doavür. „Die Nobbere lästere över dich, die hüüre och bald op.“ Eijentlich es et so net so schlimm, doch wenn dat Fimpe krankhaft wörd on överhapt net ophürt, sät man doa „Tinnitus“ vür on mot medizinisch behandelt werde. Von Fimpe on Nachbehandlung kann ich och e Liedche senge. E paar von min Kenger noame mich möt op en Rheintour möt de „Riverlady“, ene naajebaute Mississippidampfer, […]
Deä Vüerbeäner
Be en Andacht oder en Mess bruukt man ene Vüerbeäner, doamöt et alles ordentlich on feierlich wörd on net all duereen beäne. En os Schueltiit woer et os en IIer, mittwochs on samsdaachs be de Schuelmess vüer te beäne. Deä Suemer üever woar dat keen jruete Saak, wenn morjes en St. Josef öm sääß Uur de Mess aanving. Frl. Brungs woar doahenger, dat all doahin jinge on als Luen joaf et och all ens en beätere Note be ör. Ävver em Wengkter woar dat en Tortur, em Düstere von et Hamm noa de Kerk te loope. So koam et, dat […]
Dii Schluffe
Als wer jong jetraud woare on dii Kenger flott hengereen koame, woar et net leet för mech, met e Verdiinst uttekomme. Alle Anschaffunge, dii net onbedingkt nöddich woare, wurde noa henge jeschoave. Ävver dann bruukte os Tswillinge doch wirklich wier a paar noie Huusschluffe. Dat hott och Schwejermodder jeziien on woll os jet Jooes duen. Be deä nächste Besöök breit se för dii twiie e paar Schluffe möt, schuen ruet möt bonkte Deeres drop on och dii reite Jrödde. No woar an deä Oavend ent Hamm Zent Mäertes, dat Füer woar en et Neubaujebiit von dii Neue Heimat op dii […]
Dea Tömmerer
Weil min Schwejermoder möt ere Suen en e Huus von de Ax wohnet, sollde mine spätere Mann och op de Ax en Stell kriije. Äver heä woll onbedingt jet möt Hoot liiere on sue föng heä bee „S. Lentz und Söhne“ möt 14 Joar als Schrainerliirjong aan. Uut dat „Aktienspinnerei“-Huus mooße se uuttrecke, als sine Vadder för duet erklärt wurd. Als Jesäll koam heä en de Modellschrainerei on bliev doa bös de Firma opjelöst worde ös. Weil em Hubbel on Hammer joot en de Hangk loare, hät heä, als wör en os Reihehuus trecke kuese, möt wenich „Eigenkapital“, äver möt […]