Seit de Mensche Füür kenne, hant se et üeverall injesotte: För et Koake, sich te wärme on later, för Kueper on Iiser ut et Erz te hoale. Ävver woa Füür is, jöff et och Qualm. Be e Lagerfüür av be et jrille träck deä Qualm noa boave af. Doch en en Jrott av en en Höel, woa di Urmensche levete, moß deä Qualm aftrekke könne; entweder an deä Injang av dur e Loak in de Dekk. Später, als man Hüüser av Hötte uut Holt on Steen baue ding, word och deä Kamin erfonge. Et Huus kreech ene Kamin, deä Schmed […]