Jedereene wet wal, wat Uerefimpe es, on dat kann e janz fiis Denge sien. Plötzlich fimpt et en e Uer, on dat hürt och jenau so plötzlich op. Die alde Lüü hodde och ene Erklärung doavür. „Die Nobbere lästere över dich, die hüüre och bald op.“ Eijentlich es et so net so schlimm, doch wenn dat Fimpe krankhaft wörd on överhapt net ophürt, sät man doa „Tinnitus“ vür on mot medizinisch behandelt werde. Von Fimpe on Nachbehandlung kann ich och e Liedche senge. E paar von min Kenger noame mich möt op en Rheintour möt de „Riverlady“, ene naajebaute Mississippidampfer, […]