Wenn di Fasteloavestiid möt deä Aschermittwoch vorbej ös, vängt en et Kerkejoar deä „Osterfestkreis“ an. Wii alle Kerkefestkreise op dat eijentliche Fest hinwise on möt en Buß- on Besinnungstiid aanvange, es die Faastetiit en Tiit, wo man fröher möt Buße on Beäne die vertich Daach bis Poasche verbreit. Hützedaach hät koom noch eener dafür ene Senn, och doröm, dat niemes sich mier als „Büßer“ oder „Sünder“ süht. Ävver wer dii Fastetiit ernst nömmt, vängt di am Aschermittwoch möt en Mess on möt dat Aischkrüzz aan. Die Aisch doavür es von verbrannde Palmstrückskes von Palmsonndach et Joar davür. Möt deä Hinwiis […]