Von Jeschichte on Politik ut dat Joahr 1945 kann ich üch net vüel vertälle, weil ich als Schuelblag on jruete Söster von fief Jeschwister doa gar ken Tied för hodd. Tösche Entwarnung on nächste Fliejeralarm, stellde ich mich afweasselnd möt Mama an dii Jeschäfte aan, woa et jet op dii Leävensmedelkaarte joaf. Dii Schuel feel ut, et woar ärg kalt en desse Wenkter, on wörr suemerte en et Brook Tellinge on klene Stämmkes als Brennholt. An deä 24. Februar schooten os Jabos deä Kamin von et Daak, als wörr en deä Luftschutzkeller soate. Wörr hant jement, dat Huus fällt os […]